Вялікабрытанія прадставіць Украіне рэактыўныя сістэмы залпавага агню M270, якія могуць паражаць мэты на адлегласці да 80 км. Пра гэта заявіў міністр абароны Бэн Уолес, паведамляе «Еўрапейская праўда» са спасылкай на Reuters. Уоллес лічыць, што падтрымка Украіны змяняецца па меры развіцця расійскага наступу.
«Гэтыя высокаэфектыўныя рэактыўныя сістэмы залпавага агню дазволяць нашым украінскім сябрам лепш абараніць сябе ад жорсткага выкарыстанне дальнабойнай артылерыі, якую сілы Пуціна выкарыстоўвалі без разбору, каб разбурыць гарады» – заявіў міністр.
Прадастаўленне сістэм M270 узгоднена з ЗША, паколькі іх вырабляе амерыканская кампанія і для перадачы трэцяму баку патрабуецца фармальны дазвол Вашынгтона.
Напярэдадні Пуцін папярэдзіў Захад, што Расія нанясе ўдары па новых мэтах, калі ЗША пачнуць пастаўляць Украіне ракеты большай далёкасці.
Нагадаем, 1 чэрвеня ЗША раскрылі дэталі новага пакета вайсковай дапамогі для Украіны на 700 млн долараў, у які ўпершыню ўвайшлі ракетныя сістэмы HIMARS.
эж