«Плявок у твар генсека ААН і Эрдагана». Гэтак дыпламатычнае ведамства Украіны недыпламатычна адрэагавала на ракетную атаку расіян па Адэскім порце. «Менш за 24 гадзін спатрэбілася РФ, каб ракетным ударам па тэрыторыі порта горада Адэса падвергнуць сумневу дамоўленасці і абяцанні, дадзеныя ёю ААН і Турцыі ў падпісаным учора ў Стамбуле дакуменце», – заявіў спікер ведамства Алег Нікаленка.
«Расійская ракета – гэта плявок уладзіміра пуціна ў твар Генеральнага сакратара ААН Антоніу Гутэрыша і прэзідэнта Турцыі Рэджэпа Таіпа Эрдагана, якія прыклалі вялікія намаганні для дасягнення пагаднення, і якім Украіна ўдзячная», – гаворыцца ў заяве.
У сувязі з гэтым Украіна заклікае ААН і Турцыю забяспечыць выкананне Расіяй сваіх абяцанняў па бяспечным функцыянаванні збожжавага калідора ў Чорным моры.
УНІАН/нг