Дапаможныя судны расійскіх ВМС былі заўважаныя ў Балтыйскім моры каля месцаў уцечкі на газаправодзе «Паўночны паток» у панядзелак і аўторак, паведамляе CNN са спасылкай на двух супрацоўнікаў заходніх спецслужбаў і крыніцу, знаёмую з гэтым пытаннем.
Паведамляецца, што незразумела, ці мелі караблі дачыненне да выбухаў, але гэта будуць вывучаць следчыя. Адзін з супрацоўнікаў разведкі таксама паведаміў, што расійскія падраздзяленні былі заўважаныя побач з гэтымі раёнамі на мінулым тыдні.
Тры афіцыйныя асобы, як паведамляе CNN, заявілі, што ЗША не ведаюць, хто мог стаяць за меркаванымі выбухамі, якія прывялі да ўцечкі з двух трубаправодаў у нядзелю і панядзелак. Расійскія караблі рэгулярна працуюць у гэтым раёне, сказаў дацкі ваенны чыноўнік, якога цытуе CNN, падкрэсліўшы, што іх прысутнасць не абавязкова даказвае, што Расія нясе адказнасць за шкоду.
CNN паведаміла, што Данія і Швецыя расследуюць уцечкі. Праверка на месцы пакуль не праводзілася, інфармацыі пакуль мала.
tysol.pl/эж