Малдаўскія спецслужбы заблакавалі больш за дваццаць расійскіх навінавых сайтаў. Па дадзеных службаў, яны распаўсюджваюць ілжывую інфармацыю пра Малдову і ўдзельнічаюць у гібрыднай дзейнасці, якую фінансуе Масква.
Рашэннем Службы інфармацыі і бяспекі Малдовы інтэрнэт-аператары краіны павінны неадкладна заблакаваць доступ да гэтых парталаў.
Спіс прапагандысцкіх сайтаў быў створаны яшчэ на пачатку расійскай агрэсіі супраць Украіны, калі Малдова таксама апынулася ў зоне інфармацыйнай вайны, якую вядзе Масква.
Гэтым разам яго папоўнілі, у тым ліку, парталы дзяржаўнага расійскага тэлебачання. У Малдове, яшчэ з часоў Савецкага Саюза, пражывае даволі буйная расійская меншасць.
Цяперашняя кіроўная партыя і прэзідэнт Мая Санду з самага пачатку сваёй улады абралі праеўрапейскі кірунак, а пасля пачатку вайны ва Украіне актыўна падтрымліваюць атакаваную Расіяй краіну.
IAR/аз