У Іспаніі знайшлі 11 скрадзеных вырабаў са «скіфскага золата». Выкрадзеныя артэфакты ўкраінскай культурнай спадчыны каштуюць больш за 60 мільёнаў еўра.
Служба бяспекі Украіны сумесна з Бюро эканамічнай бяспекі і паліцыяй Іспаніі ліквідавала міжнародную злачынную групоўку, члены якой незаконна вывозілі каштоўныя артэфакты з Украіны і спрабавалі прадаць іх у краінах ЕС.
Арыштаваныя пяць удзельнікаў злачыннай групы, сярод якіх прадстаўнік Украінскай праваслаўнай царквы Маскоўскага патрыярхату, паведаміў прэс-сакратар СБУ Арцём Дзехцярэнка:
- Гэта каштоўныя прадметы VIII-IV стагоддзяў да нашай эры, у тым ліку залатыя завушніцы, бранзалеты, нагрудны крыж. Паводле следства, у 2014-2020 гадах абвінавачаныя незаконна вывозілі артэфакты з Украіны ў Еўрасаюз. Затым яны спрабавалі «легалізаваць» скрадзеныя культурныя каштоўнасці пад выглядам набыцця замежнымі калекцыянерамі і перапродажу на чорным рынку.
Выкрадзеныя каштоўныя артэфакты былі канфіскаваныя.
ІАR/аз