Еўрасаюз адстае ад графіка перадачы боепрыпасаў Украіне, якая павінна атрымаць мільён артылерыйскіх снарадаў да сакавіка 2024 года, паведаміла ў чацвер агенцтва «Bloomberg», якое цытуе «Украінская праўда».
Згодна з зацверджаным у пачатку гэтага года планам, ЕС абяцаў перадаць Украіне ракеты на працягу 12 месяцаў спачатку з наяўных запасаў, а затым праз пагадненні аб сумесных закупках і павелічэнні вытворчасці, паведамляе «Bloomberg» са спасылкай на крыніцы, знаёмыя з пытаннем.
Пакуль перададзена каля 30 працэнтаў запланаванай колькасці ракет, але, мяркуючы па памерах падпісаных кантрактаў, ёсць рызыка, што абяцанне ЕС не будзе выканана ў поўнай меры. Як дадалі крыніцы «Bloomberg», некалькі краін-чальцоў ЕС папрасілі падоўжыць тэрмін выканання пагадненняў.
Злучаныя Штаты, якія хочуць у наступным годзе павялічыць уласную вытворчасць прыкладна да аднаго мільёна ракет штогод, звярнуліся да Еўрасаюза з просьбай актывізаваць свае намаганні.
У сувязі з тым, што ўкраінскае контрнаступленне супраць расійскіх войскаў практычна не прагрэсуе, а саюзнікі рыхтуюцца да доўгай вайны, пастаўкі боепрыпасаў, абяцаныя ЕС, маюць вырашальнае значэнне.
Між тым, паводле некаторых ацэнак, расійскія заводы паставяць 2 мільёны ракет, а акрамя таго, Расія атрымала боепрыпасы ад Паўночнай Карэі і працягвае закупляць ракеты савецкіх часоў.
Краіны ЕС не жадаюць даваць канкрэтныя дадзеныя аб сваіх пастаўках або падпісаных кантрактах. Вядома, што каля 10 краін, у тым ліку краіны Балтыі, Германія, Нідэрланды і Польшча, перадалі або маюць намер перададуць 300-400 тысяч ракет, у асноўным у рамках ініцыятывы ЕС.
Фінляндыя, Швецыя, Данія і Нарвегія, якая не ўваходзіць у ЕС, падпісалі заказы на 52 мільёны еўра, якія тычацца вытворчасці ў наступным годзе.
Па словах аднаго з суразмоўцаў «Bloomberg», цана на ракеты вырасла пасля таго, як ЕС выступіў з ініцыятывай, а значыць, у бюджэце можа не хапіць грошай на яе рэалізацыю.
ав