З 10 кастрычніка расіяне вядуць масіраваныя ўдары па Аўдзееўцы. Віталь Барабаш паведаміў, што расіяне цяпер перакідваюць асабовы склад і тэхніку з іншых рэгіёнаў, каб працягнуць наступ на горад.
«Сітуацыя больш складаная, чым год таму, але прынцыпова не змянілася. У нас ёсць выхад у горад, мы на сувязі з нашым камандаваннем. Мы бачым, што з нашага боку адбываюцца нейкія стабілізацыйныя дзеянні. Я б не сказаў, што сітуацыя крытычная, яна складаная, але пад кантролем», – распавёў Барабаш.
Па словах прэс-сакратара УС Украіны Аляксандра Штупуна, агульныя страты расійскіх вайскоўцаў у Данецкай вобласці з 10 кастрычніка склалі больш за 6,5 тыс. чалавек.
Украінскія войскі застаюцца ў Аўдзееўцы пад Данецкам з пачатку ўзброенага канфлікту ў 2014 годзе. Горад – цэнтр вялікага выступу, які ўдаецца ў расійскую абарону, і калі зрэзаць яго, гэта дазволіла б адсунуць лінію фронту ад Данецка. Таму гэта важны пункт на карце вайны ва Украіне.
Паводле IAR/вх