Распаўсюджванне сезоннага грыпу таксама суправаджаецца выпадкамі Covid-19. Медыкі папярэджваюць, што пнеўманіяй хварэюць шмат маладых людзей.
Пункты хуткай дапамогі запоўненыя ў асноўным пажылымі людзьмі з праблемамі дыхання. Многім пацыентам даводзіцца чакаць месца ў бальніцы. Аднак у гэтым годзе найбольшую занепакоенасць выклікае не Covid-19, а грып. Колькасць цяжкіх выпадкаў хваробы пастаянна расце.
Разам з тым з пачатку года ўсё менш шпіталізуюць людзей, інфіцыраваных SARS-CoV-2. За апошні тыдзень з-за каранавіруса шпіталізавана на 16 працэнтаў менш пацыентаў, чым за папярэдні тыдзень.
«Гэта самы сур'ёзны сезон грыпу за апошнія 15 гадоў», - сказаў прафесар Матэа Басэці, дырэктар інфекцыйнай клінікі ў Генуі.
Прэзідэнт Італьянскай федэрацыі медыцынскіх устаноў Джавані Мільёрэ падкрэсліў, што на цяперашнім этапе Covid-19 «саступае месца грыпу».
Лекары вельмі занепакоеныя яго цяжкай формай асабліва сярод моладзі.
«Мы фіксуем шмат выпадкаў шпіталізацыі з-за пнеўманіі ў здаровых і маладых пацыентаў; у некаторых выпадках неабходна нават інтэнсіўнае лячэнне», — адзначыў Марка Фальконе з інфекцыйнага аддзялення бальніцы ў Пізе.
Спецыялісты прызнаюць, што незразумела, ці з'яўляецца гэтая асабліва цяжкая форма вынікам зніжэння імунітэту да віруса грыпу пасля пандэміі, або гэта новая больш агрэсіўная мутацыя хваробы.
РАР/юл