Ён быў завочна прыгавораны да пажыццёвага зняволення.
Пракуратура даказала ў судзе, што ў сакавіку 2022 года пяцёра вайскоўцаў РФ на аўтамабілі з літарай «V» і надпісам «танкавы спецназ RUS» прыехалі на прадпрыемства каля вёскі Мрыя Бучанскага раёна Кіеўскай вобласці.
«У гэты час да акупантаў падышлі двое бяззбройных мірных жыхароў — гаспадар і ахоўнік гэтага прадпрыемства. Захопнікі, пераканаўшыся, што гэтыя людзі ім не пагражаюць, далі ім магчымасць сысці. Аднак, як толькі яны адышлі на некалькі метраў, асуджаны разам з неўстаноўленым ваеннаслужачым подла адкрылі агонь з аўтаматычнай зброі ў спіны мірных жыхароў», — гаворыцца ў паведамленні.
Мужчыны загінулі як мінімум ад 12 агнястрэльных раненняў. Пасля гэтага акупанты праніклі ў памяшканне на тэрыторыі прадпрыемства і выкралі матэрыяльныя каштоўнасці, пагрузіўшы скрадзенае ў аўтамабіль.
юл