Брытанскі прэм’ер-міністр падпісаў доўгатэрміновае пагадненне аб супрацоўніцтве ў сферы бяспекі з Уладзімірам Зяленскім. Ён таксама абвясціў пра пакет дапамогі на абарону ў памеры 2,5 мільярда фунтаў.
Паводле яго слоў, пакет будзе ўключаць у сябе больш сродкаў супрацьпаветранай абароны, больш супрацьтанкавай зброі, больш ракет далёкага радыусу дзеяння, тысячы боепрыпасаў і артылерыйскіх снарадаў, навучанне яшчэ тысяч украінскіх вайскоўцаў і 200 мільёнаў фунтаў стэрлінгаў на будаўніцтва яшчэ тысячы беспілотнікаў.
Уладзімір Зяленскі падзякаваў Вялікабрытаніі за падтрымку.
- Гэты дзень ужо ўвайшоў у гісторыю нашай дзяржавы: сёння мы маем пагадненне з Вялікабрытаніяй, пагадненне аб бяспецы, над якім мы даўно працуем. Гэта першае двухбаковае пагадненне, якое рэалізуе асноўнае разуменне G7 адносна абавязацельстваў бяспекі Украіны, нашай абароны, росту нашай бяспекі. Я дзякую Вялікабрытаніі і асабіста прэм'ер-міністру Сунаку за першае месца і вашае кіраўніцтва.
Брытанскае кіраўніцтва зазначае, што з пачатку вайны Лондан падтрымаў Украіну больш чым 12 мільярдамі фунтаў.
ПР/юл