Улады Варонежа на поўдні Расіі ўвялі надзвычайнае становішча пасля атакі ўкраінскіх беспілотнікаў на мясцовы ваенны аэрапорт. Па словах відавочцаў, ноччу каля расійскай базы прагучала не менш за 15 выбухаў. Жыхары суседняга шматпавярховага дома былі эвакуяваныя пасля таго, як на дом упалі аскепкі лятальнага апарата і выклікалі пажар.
Агулам украінскія беспілотнікі, якія выбухнулі над горадам, знішчылі 35 кватэр у 10 шматпавярховых дамах.
Варонеж знаходзіцца ў 250 кіламетрах ад мяжы з Украінай. Бамбавікі і штурмавікі ўзлятаюць з мясцовай авіябазы і наносяць ракетныя ўдары па ўкраінскіх гарадах.
Варонеж — другі пасля Белгарада расійскі горад, які найбольш пацярпеў ад украінскай авіяцыі. Удары па прымежных расійскіх гарадах — гэта адказ Кіева за напады расіян на грамадзянскія аб'екты ва Украіне.
яс