Прэзідэнты Польшчы Анджэй Дуда і Украіны Уладзімір Зяленскі сустрэліся ў Давосе падчас Сусветнага эканамічнага форуму. Кіраўнікі дзяржаў наведалі выставу, прысвечаную ваенным злачынствам Расіі ва Украіне.
Пасля сустрэчы Анджэй Дуда заявіў, што запэўніў Уладзіміра Зяленскага ў далейшай падтрымцы Украіны, зазначыўшы, што ўкраінскі лідар можа спакойна пачаць перамовы з прэм'ер-міністрам Польшчы Дональдам Тускам у Кіеве ўжо праз некалькі дзён.
Польскі прэзідэнт таксама падкрэсліў, што Украіна павінна быць прынятая ў НАТА. Анджэй Дуда лічыць, што зʼяўленне новай дзяржавы альянсу паміж Расіяй і Польшчай узмоцніць бяспеку апошняй. Ён таксама нагадаў, што ў дадзены момант Украіна мае патрэбу ў вялізнай падтрымцы Захаду, у тым ліку, у пастаўках узбраенняў.
вс