З пачатку поўнамаштабнага расійскага ўварвання Узброеныя сілы Украіны вывелі з ладу прыкладна 33 працэнты караблёў Чарнаморскага флоту Расіі, паведаміў Цэнтр стратэгічнай сувязі ўкраінскай арміі.
Паводле дадзеных Генштаба Узброеных сіл Украіны, вайскоўцы вывелі з ладу 24 расійскія караблі і адну падводную лодку. Паводле звестак з адкрытых крыніц, на момант пачатку поўнамаштабнага ўварвання, Чарнаморскі флот Расіі складаўся з 74 караблёў.
Апошнім поспехам украінскіх службаў стала знішчэнне расійскага ракетнага карабля «Іванавец», які патруляваў Чорнае мора ў раёне акупаванага Крыма. Карабель пайшоў на дно ў ноч з 31 студзеня на 1 лютага пасля атакі ваеннай разведкі з выкарыстаннем марскіх беспілотнікаў.
Найбольшыя страты падчас вайны з Украінай ВМФ Расіі панёс у красавіку 2022 года, калі быў патоплены ракетны крэйсер «Масква» – флагман Чарнаморскага флоту. Па дадзеных Крамля, на крэйсеры загінуў толькі адзін член экіпажа, 27 лічацца прапаўшымі без вестак. Паводле незалежных назіральнікаў, загінулі больш за 400 расійскіх вайскоўцаў.
яс/Яраслаў Юнко (PAP)