Генштаб Узброеных сіл Украіны паведамляе, што за апошнія суткі адбыліся 82 баявыя сутыкненні з расійскімі войскамі. Акрамя таго, расіяне нанеслі 9 удараў кіраванымі ракетамі, 100 авіяўдараў і 161 абстрэл з рэактыўных сістэм залпавага агню.
Ад артылерыйскага абстрэлу пацярпелі больш за 140 населеных пунктаў у Чарнігаўскай, Сумскай, Харкаўскай, Луганскай, Данецкай, Днепрапятроўскай, Херсонскай і Мікалаеўскай абласцях.
Сітуацыя на ўкраінска-беларускай мяжы застаецца нязменнай, але ўздоўж паўночнай мяжы з Расіяй стаяць войскі, якія скоўваюць украінцаў сваёй прысутнасцю і вядуць дыверсійную дзейнасць. Уздоўж мяжы ў Белгарадскай вобласці расіяне ўмацоўваюць мяжу міннымі загародамі.
Найбольш жорсткія баі працягваюцца пад Лыманам, Белагораўкай і Андрыеўкай на Данбасе. На Купянскім напрамку сутыкненняў не было. Не штурмавалі расіяне і фронту ў Херсонскай вобласці.
Генштаб таксама паведамляе аб 13 налётах украінскай авіяцыі на расійскія войскі. Украінцы таксама збілі 14 беспілотнікаў «Шахед», запушчаных расійскімі войскамі.
IAR/аз