У Еўрасаюзе склікана пазачарговае пасяджанне міністраў у сувязі з атакай на Ізраіль

«Мэта — унесці свой уклад у зніжэнне напружанасці ў рэгіёне і забеспячэнне бяспекі».

Ілюстрацыйны здымак.

Фота: Fabrizio Maffei/shutterstock

Кіраўнік дыпламатыі ЕС склікаў на аўторак пазачарговае пасяджэнне ў сувязі з нападам Ірана на Ізраіль. Сустрэча з удзелам міністраў замежных спраў 27 членаў супольнасці пройдзе ў рэжыме відэаканферэнцыі. «Мэта — унесці свой уклад у зніжэнне напружанасці ў рэгіёне і забеспячэнне бяспекі», — напісаў Жазэп Барэль на платформе X.

Францыя заклікае сваіх грамадзян пакінуць Іран. Прычына — «рэзкі рост напружанасці ў рэгіёне пасля беспрэцэдэнтнага нападу Ірана на Ізраіль». Прэзідэнт Францыі Эмануэль Макрон заявіў, што Парыж імкнецца падтрымліваць стабільнасць на Блізкім Усходзе. «Францыя разам з партнёрамі працуе над дээскалацыяй напружанасці і заклікае да стрыманасці», — напісаў Макрон у сацсетках.

Брытанцы адправілі на Блізкі Усход больш самалётаў. Самалёты RAF узмацнілі брытанскія сілы, якія ўжо дзейнічалі ў гэтым раёне. Гаворка ідзе пра аперацыю «Шэйдэр», накіраваную супраць так званай «Ісламскай дзяржавы». Знішчальнікі могуць збіваць беспілотнікі або ракеты над Сірыяй і Іракам. Брытанскія самалёты, у тым ліку авіязапраўшчыкі, выконваюць і іншую ролю. Яны могуць запоўніць прабелы, пакінутыя амерыканскімі самалётамі, якія падтрымліваюць Ізраіль. Да гэтага часу машыны з ЗША ўдзельнічалі ў такой жа місіі над Іракам і Сірыяй.

IAR/нг