Дарадца прэзідэнта ЗША па нацыянальнай бяспецы Джэйк Саліван заявіў, што што ён чакае «блізкатэрміновага поспеху Расіі» на полі бою, нягледзячы на новы пакет фінансавання ЗША, зацверджаны ў мінулым месяцы, таму што «вы не можаце імгненна пераключыць рубільнік», піша Financial Times.
Джэйк Саліван дадаў, што з новай дапамогай Вашынгтона Кіеў зможа «трымаць абарону» і «забяспечыць, каб Украіна супрацьстаяла нападу Расіі» на працягу 2024 года.
Выказваючыся пра сцэнар вайны ў наступным годзе, Саліван адзначыў, што Украіна мае намер «рухацца наперад, каб вярнуць тэрыторыю, якую ў яе забралі расіяне».
«Яго каментары аб патэнцыйным контрнаступленні з боку Украіны зʼяўляюцца найбольш выразнай артыкуляцыяй Белага дома таго, як ён бачыць развіццё канфлікту ў выпадку перамогі прэзідэнта Джо Байдэна на выбарах у лістападзе», – гаворыцца ў публікацыі.
Выданне таксама дадае, што любы новы наступ Украіны ў 2025 годзе будзе залежаць ад павелічэння фінансавання і адабрэння Кангрэсам ЗША і Белым домам.
Прэзідэнт ЗША Джо Байдэн 24 красавіка падпісаў ухвалены Кангрэсам пакет заканадаўчых актаў, які прадугледжвае выдзяленне Украіне амаль 61 мільярда долараў дадатковай вайсковай і эканамічнай дапамогі, а таксама дапамогі іншым саюзнікам ЗША.
вх