Расійская Федэрацыя спрабуе маніпуляваць тэмай абмену ваеннапалонных і хоча такім чынам дэстабілізаваць сітуацыю ва Украіне.
Як адзначаюць аналітыкі амерыканскага Інстытута вывучэння вайны (ISW), Масква абвінаваціла Кіеў у шматмесячным прыпыненні абмену ваеннапалоннымі на фоне паведамленняў аб маштабных злоўжываннях з боку РФ у дачыненні да ўкраінскіх ваеннапалонных.
У прыватнасці, Упаўнаважаная па правах чалавека ў РФ Таццяна Маскалькова абвінаваціла Украіну ў вылучэнні «надуманых патрабаванняў», якія пацягнулі паўзу ў абмене ваеннапалоннымі на працягу апошніх некалькіх месяцаў. Пры гэтым яна сцвярджае, што Расія робіць усё магчымае для падтрымання дыялогу з украінскім урадам і Міжнародным камітэтам Чырвонага Крыжа па справах ваеннапалонных.
Прадстаўнік Украінскага каардынацыйнага штаба па пытаннях абыходжання з ваеннапалоннымі Пётр Яцэнка яшчэ ў лістападзе 2023 года адзначыў, што Расія прыпыняла абмен ваеннапалоннымі летам 2023 года па невядомай прычыне. Апошні абмен адбыўся 8 лютага 2024 г. пры садзейнічанні Аб'яднаных Арабскіх Эміратаў.
Паводле слоў аналітыкаў, Украіна была вымушана адкрыць трэці лагер для расійскіх ваеннапалонных часткова з-за «фактычнага блакавання абменаў расійскім бокам», а часткова з-за росту колькасці дэзерціраў у акупацыйным войску.
Эксперты нагадалі, што ў апошнія месяцы пасля абмену Расія здзейсніла шэраг відавочных злоўжыванняў, у тым ліку пакарання без суда і следства і выкарыстанне ваеннапалонных як жывых шчытоў на полі, а таксама нібыта функцыянаванне «чорнага рынку» для продажу ўкраінскіх ваеннапалонных расійскім ваенізаваным групоўкам.
Акрамя таго, Расія таксама выкарыстоўвае батальён, які складаецца пераважна з украінскіх ваеннапалонных, для вядзення баявых дзеянняў ва Украіне, што зʼяўляецца яшчэ адным парушэннем Жэнеўскай канвенцыі.
Такім чынам, у ISW прыйшлі да высновы, што абвінавачванні Маскальковай можа быць спробай перакласці віну на Украіну і схаваць мноства злоўжыванняў з боку краіны-агрэсара ў дачыненні да ўкраінскіх ваеннапалонных, што можа прывесці да распальвання незадаволенасці ва ўкраінскім грамадстве і адцягнуць увагу ад падтрымкі Украіны з боку заходніх краін. Крэмль выкарыстоўвае палітыку абмену ваеннапалоннымі як яшчэ адзін прыём для падрыву працэсу прыняцця рашэнняў ва Украіне.
Прэзідэнт Украіны Уладзімір Зяленскі адзначыў, што на саміт міру вынесуць пытанне абмену палоннымі – усіх на ўсіх. Паводле дадзеных члена экспертнай рады Цэнтра грамадзянскіх свабод Міхаіла Савы, Расія ўтрымлівае не менш за 7 тысяч украінскіх грамадзянскіх.
Намеснік старшыні СБУ (2014-2015) Віктар Ягун распавёў, каго з вайскоўцаў Расія спрабуе вярнуць у першую чаргу. Гэта былыя зняволеныя і «кадыраўцы».
Паводле УНІАН
нг