Кіраўніцтва адзінай у краіне атамнай электрастанцыі ў балгарскім Казладуі заявіла, што парывае кантракт з пастаўшчыком расійскага ядзернага паліва. Раней назапашанае паліва будзе служыць рэзервам для АЭС.
Учора на адным з энергаблокаў пачалі дадаваць першую партыі паліва, пастаўленага амерыканцамі. Па словах прадстаўнікоў Казладуйскай станцыі, кошт сыравіны, атрыманай з ЗША, аналагічны цане расійскага паліва.
Таксама балгары вядуць перамовы з французамі, якія маглі б пастаўляць паліва на іншыя блокі.
Скасаванне кантракту з расіянамі з'яўляецца яшчэ адным элементам незалежнасці Балгарыі ад паставак энергіі з Расіі. Раней улады дзяржавы вырашылі адмовіцца ад расійскіх газу і сырой нафты.
Адзіная ў Балгарыі атамная электрастанцыя забяспечвае каля траціны патрэбаў у энергіі гэтай краіны, дзе пражывае шэсць з паловай мільёнаў чалавек.
IAR/нг