Частка знішчальнікаў F-16, якія Украіна атрымае ад заходніх партнёраў, будуць захоўвацца на бяспечных базах за межамі тэрыторыі краіны, каб яны не былі абʼектам расійскіх нападаў, заявіў камандуючы ВПС Украіны генерал Сяргей Галубцоў.
«Не ўсе самалёты, якія будуць перакінуты ва Украіну, даляцяць да Украіны адразу. Частка застанецца ў навучальных цэнтрах, дзе рыхтуюць нашых лётчыкаў і наземны склад. Гэта будуць украінскія самалёты, якія выкарыстоўваюцца для падрыхтоўкі нашых пілотаў», – сказаў генерал у інтэрвʼю парталу «Данбас. Рэаліі» Радыё Свабода.
Вайскоўцы яшчэ раз заявілі, што першыя партыі самалётаў Украіна павінна атрымаць ужо ў гэтым годзе. «Які гэта будзе месяц, які дзень, ці будзе гэта заўтра ці ў жніўні – я не маю права гэта каментаваць. Паводле нашых планаў, F-16 павінны быць ва Украіне ў гэтым годзе. Пакінем гэтую інтрыгуючую інфармацыю для расіян. Думаю, яны павінны першымі на сабе адчуць, што ва Украіны ёсць F-16», – сказаў генерал.
Данія, Нарвегія, Нідэрланды і Бельгія плануюць паставіць гэтым летам ва Украіну больш за 60 амерыканскіх самалётаў F-16. Украінцы кажуць, што больш F-16 дапаможа адціснуць расійскія сілы ад лініі фронту.
PAP/вх