Кандыдаты ў прэм'ер-міністры Францыі правялі першыя тэледэбаты ў бягучай выбарчай кампаніі. У дыскусіі ўзялі ўдзел цяперашні кіраўнік урада Габрыэль Атал, прадстаўнік левых радыкалаў Мануэль Бопар і Жардан Бардэля — кіраўнік нацыяналістычнай партыі RN, якая мае найбольшыя шанцы на перамогу на нядзельных парламенцкіх выбарах.
Прэм'ер-міністр выступаў агрэсіўна, баючыся паразы на выбарах, лідары апазіцыі крытыкавалі ўрад - так падсумавалі дэбаты французскія СМІ.
Тэма дзяржаўнага доўгу краіны і сацыяльных рэформаў выклікала найбольш бурную дыскусію. «Людзі ва ўзросце ад 30 да 60 гадоў, якія працуюць, павінны вас баяцца, таму што яны сутыкнуцца з павышэннем падаткаў», — папярэдзіў прэм'ер-міністр Атал, крытыкуючы прапановы сваіх канкурэнтаў. «Гледзячы на вашыя дасягненні, вы не ў тым становішчы, каб прапаведаваць пра эканоміку», — бараніўся прадстаўнік левых Мануэль Бопар, нагадаўшы, што падчас кіравання ўрада Аталы дзяржаўны доўг дасягнуў рэкорднага ўзроўню — тры трыльёны еўра.
Таксама адбыўся напружаны абмен меркаваннямі падчас дыскусіі аб іміграцыі і прапанове нацыяналістаў не дапускаць людзей з падвойным грамадзянствам на ключавыя пасады ў дзяржаве. «Вы абражаеце іх, кажучы, што яны не заслугоўваюць даверу. Тамара - так, а Рашыда - не», - раскрытыкаваў прэм'ер-міністр Атал. «Калі я слухаю вашы аргументы, я разумею, чаму прэзідэнт спрабаваў вас звольніць», — адказаў лідар нацыяналістаў Жардан Бардэля.
Абмяркоўваліся таксама пытанні экалогіі, барацьбы са злачыннасцю, адукацыі і доступу да дзяржаўных паслуг. Аднак часу на абмеркаванне міжнародных тэм не было.
Першы тур парламенцкіх выбараў пройдзе ў нядзелю, а другі - на наступным тыдні, 7 ліпеня.
ПР/юл