Інстытут вывучэння вайны: Віктар Орбан хоча адцягнуць увагу Захаду ад дапамогі Украіне

Амерыканскія аналітыкі адзначаюць, што гэта выгадна Уладзіміру Пуціну, які хоча паменшыць еўрапейскую падтрымку Кіева.

Прэмʼер-міністр Венгрыі Віктар Орбан

PAP/EPA/ALEXEY MAISHEV/SPUTNIK/KREMLIN POOL

Амерыканскі Інстытут вывучэння вайны лічыць, што прэмʼер-міністр Венгрыі Віктар Орбан хоча адцягнуць увагу Захаду ад дапамогі Украіне. Пазаўчора палітык наведаў Маскву, дзе сустрэўся з Уладзімірам Пуціным.

На думку аналітыкаў з інстытута, вугорскі прэм’ер хоча перанакіраваць увагу заходніх палітыкаў на магчымыя перамовы аб спыненні вайны ва Украіне. Гэта выгадна Уладзіміру Пуціну, які хоча паменшыць еўрапейскую падтрымку Кіева.

Амерыканскія аналітыкі адзначаюць, што Орбан пазіцыянуе сябе як патэнцыйнага пасярэдніка ў мірных перамовах па справе Украіны.

Нагадваем, Венгрыя цягам бягучага паўгоддзя старшынствуе ў Еўрасаюзе, але візіт Орбана ў Маскву не быў узгоднены з Еўракамісіяй.

IAR/яс