У ноч на 31 ліпеня расійскія акупанты атакавалі Украіну кіраванай авіяцыйнай ракетаю Х-59 і 89 ударнымі БПЛА тыпу «Шахед», усе паветраныя цэлі знішчаныя, паведамляе прэс-служба Ваенна-паветраных сілаў Украіны.
Расія атакавала Украіну некалькімі хвалямі. Трывога гучала больш за сем гадзін – з позняга вечара да сённяшняй раніцы.
У Кіеўскай гарадской ваеннай адміністрацыі назвалі начную атаку адной з самых масіраваных за ўсю вайну.
Дзяржслужба па надзвычайных сітуацыях Украіны паведаміла, што на Кіеўшчыне ноччу ў выніку падзення абломкаў беспілотніка загарэўся жылы дом. Будынак часткова разбураны. Пажар ліквідаваны, ніхто не пацярпеў.
вх