Летась Вільню наведалі звыш аднаго мільёна двухсот тысяч турыстаў. Паводле звестак Віленскага агенцтва па развіцці турызму і бізнесу «Go Vilnius», з Польшчы прыехала больш за сто тысяч чалавек.
Горад таксама карыстаўся вялікай цікавасцю з боку немцаў — летась прыехалі больш за 80 тысяч чалавек. Трэцяе месца занялі латышы, якія наведалі літоўскую сталіцу пераважна ў калядны перыяд. Замежныя турысты праводзілі ў Вільні ў сярэднім два дні, найбольшы прыток прыпадае на ліпень і жнівень.
Паводле даследавання, праведзенага агенцтвам «Go Vilnius», горад прываблівае турыстаў як новае і нетрадыцыйнае месца для падарожжаў. Да траціны турыстаў вяртаюцца ў літоўскую сталіцу, каб пазнаёміцца з ёй яшчэ лепш. Гэта значыць, першы візіт зрабіў на іх вельмі добрае ўражанне.
Вільня — самы вялікі горад Літвы. Ёсць шмат помнікаў, звязаных таксама з польскай гісторыяй і культурай. Больш за трыццаць гадоў Стары горад знаходзіцца ў Спісе сусветнай спадчыны ЮНЕСКА. Літоўская сталіца знаходзіцца менш чым у 200 км ад Польскай мяжы.
IAR/вх