Суд у Буэнас-Айрэсе арыштаваў былога целаахоўніка Дыега Марадоны па абвінавачванні ў ілжэсведчанні. Затрыманне адбылося падчас суда над сямю лекарамі, якія абвінавачваюцца ў халатнасці пры доглядзе за памерлай у 2020 годзе футбольнай зоркай.
Па дадзеных следства, Хуліа Корыя прысутнічаў у доме, дзе знаходзіўся Дыега Марадона, але занадта позна пачаў рабіць штучнае дыханне.
Дыега Марадона памёр 25 лістапада 2020 года, праз два тыдні пасля таго, як з яго мозгу выдалілі тромб. Прычынай смерці сталі сардэчная недастатковасць і востры ацёк лёгкіх.
Раней футбаліст таксама шмат гадоў змагаўся з алкагольнай і наркатычнай залежнасцю.
IAR/аз