Дзяржсакратар ЗША Марк Рубіа пацвердзіў прыхільнасць Злучаных Штатаў да НАТА, заявіла кіраўніца замежнай палітыкі ЕС Кая Калас. Рубіа, аднак, звярнуўся да еўрапейскіх краін з заклікам «стаць мацнейшымі».
На пытанне пра перамовы з Расіяй наконт спынення агню ва Украіне Кая Калас сказала, што Амерыка не пойдзе на саступкі.
— Было падкрэслена, што нічога ва Украіне не адбудзецца без Украіны, і Украіна і Еўропа павінны дамаўляцца пра ўсё, пра што будуць ісці перамовы, таму што ўсё гэта адбываецца ў Еўропе. Рубіа нас у гэтым запэўніў».
Сёння другі дзень сустрэчы міністраў замежных спраў ЕС у Брусэлі. Сустрэча з'яўляецца падрыхтоўкай да чэрвеньскага саміту НАТА. Акрамя пытанняў, якія тычацца Альянсу, кіраўнікі дыпламатыі краін-чальцоў абмяркоўваюць, у тым ліку: вайсковую падтрымку Украіны.
ПР/юл