Брусельскі разліковы дом Euroclear перадасць першыя мільярды еўра заходнім кампаніям. Інфармацыю ўпершыню паведаміла агенцтва Reuters. Гэтую інфармацыю пацвердзіла бельгійская штодзённая газета De Tijd.
Гэта павінна быць кампенсацыяй за страты, якія панеслі еўрапейскія інвестары ў Расіі. Размова ідзе пра тры мільярды еўра. Рашэнне ў гэтым пытанні прыняў урад Бельгіі, і Euroclear павінна рэалізаваць яго ў сярэдзіне месяца. Пакуль невядома, чые грошы будуць канфіскаваныя — гэта значыць, якіх расійскіх алігархаў і якіх кампаній. Таксама няма інфармацыі пра тое, хто іх атрымае.
Актывы Цэнтральнага банка Расіі, якія таксама былі замарожаныя з-за санкцый ЕС, пакуль застануцца некранутымі. У Еўрасаюзе няма згоды за канфіскацыю амаль двухсот мільярдаў еўра. Найбольшымі прыхільнікамі забрання гэтых грошай і фінансавання аднаўлення Украіны з'яўляюцца Польшча і краіны Балтыі. Пакуль што ЕС пагадзіўся толькі перавесці прыбытак ад замарожаных актываў уладам у Кіеве.
Euroclear — міжнародная фінансавая ўстанова са штаб-кватэрай у Брусэлі, якая спецыялізуецца на аперацыях на рынках капіталу.
IAR/вх