Славацкі парламент у чацвер прыняў рэзалюцыю, якая абавязвае ўрад Роберта Фіца не галасаваць у міжнародных арганізацыях за новыя санкцыі і гандлёвыя абмежаванні супраць Расіі. Аўтары законапраекта сцвярджалі, што абмежаванні спрыяюць росту цэн на энерганосьбіты ў Славакіі.
Рэзалюцыя абавязвае членаў кабінета міністраў прасоўваць меры, накіраваныя на стабілізацыю энергетычнага рынку і абарону стратэгічных інтарэсаў славацкай эканомікі. Законапраект быў падрыхтаваны кааліцыйнай Славацкай нацыянальнай партыяй (СНС).
За галасаваннем з трыбуны для гасцей назіралі, сярод іншых, ініцыятары петыцыі аб правядзенні рэферэндуму аб зняцці санкцый супраць Расіі. Прэзідэнт Петэр Пелегрыні палічыў пытанне, сфармуляванае аўтарамі гэтай петыцыі, незразумелым і такім, што не адпавядае юрыдычным патрабаванням.
Славакія, як дзяржава-член Еўрапейскага Саюза, у маі ўхваліла 17-ы пакет абмежаванняў супраць Масквы. Яго прыняцце рэзка раскрытыкаваў, сярод іншых, старшыня СНС Андрэй Данко. Прэм'ер-міністр Фіца, які не з'яўляецца прыхільнікам санкцый, заявіў свайму партнёру па кааліцыі, што Браціслава не будзе парушаць адзінства ЕС, пакуль абмежаванні не будуць пагражаць інтарэсам Браціславы.
PAP/ав