У пісьмовым адказе на запыт AP Дзяржаўны дэпартамент заявіў, што ўсе ўладальнікі амерыканскіх віз, у тым ліку турысты, падвяргаюцца «пастаяннай праверцы», накіраванай на выяўленне інфармацыі, якая сведчыць аб тым, што яны могуць не мець права на ўезд або знаходжанне ў ЗША. У выпадку выяўлення такой інфармацыі віза будзе анулявана, гаворыцца ў заяве.
Калі ўладальнік візы знаходзіцца ў Злучаных Штатах, ён будзе дэпартаваны. Да такіх падстаў адносяцца знаходжанне ў краіне пасля заканчэння тэрміну дзеяння візы, злачынная дзейнасць, пагроза нацыянальнай бяспецы, удзел у тэрарыстычнай дзейнасці або падтрымка тэрарыстычнай арганізацыі.
Праверку праводзяць праваахоўныя і міграцыйныя органы.
З моманту ўступлення на пасаду прэзідэнта Дональда Трампа яго адміністрацыя засяродзілася на дэпартацыі мігрантаў, якія незаконна пражываюць у Злучаных Штатах, а таксама ўладальнікаў студэнцкіх віз і віз па абмене.
Агенцтва AP адзначае, што адміністрацыя ўводзіць усё большыя абмежаванні і патрабаванні да заяўнікаў на візу, у тым ліку патрабаванне асабістай яўкі на сумоўі. Першапачаткова новыя меры ў першую чаргу тычыліся студэнтаў, якія займаліся дзейнасцю, якую ўрад успрымаў як прапалестынскую або антыізраільскую.
PAP/вх