Палестынскі ХАМАС абвясціў у нядзелю, што гатовы неадкладна пачаць перамовы аб вызваленні ўсіх закладнікаў у абмен на: спыненне вайны, вывад ізраільскіх войскаў з Сектара Газа і стварэнне незалежнага палестынскага ўрада.
Кіраўніцтва ХАМАС – арганізацыі, прызнанай тэрарыстычнай, сярод іншых, Еўрапейскім Саюзам і ЗША – таксама пацвердзіла, што Вашынгтон праз пасярэднікаў «пераказаў сваё бачанне спынення агню» ў Газе i падкрэсліла, што вітае ўсе ініцыятывы, накіраваныя на спыненне баявых дзеянняў у анклаве.
У нядзелю прэзідэнт ЗША Дональд Трамп напісаў у сваёй сацыяльнай сетцы Truth Social: «Ізраіль прыняў мае ўмовы. Настаў час, каб ХАМАС таксама іх прыняў».
«Я папярэдзіў ХАМАС аб наступствах іх непрыняцця. Гэта маё апошняе папярэджанне, больш не будзе!» – дадаў амерыканскі лідар.
Амаль двухгадовая вайна ў Сектары Газа, паводле палестынскага боку, каштавала жыцці больш за 64 000 палестынцаў, пераважна мірных жыхароў. Праваабарончыя арганізацыі лічаць, гэтую лічбу недаацэненай.
Ізраільская аперацыя – гэта помста за напад баевікоў ХАМАС у пачатку кастрычніка 2023 года, у выніку якога загінула каля 1 200 чалавек і больш за 250 былі ўзятыя ў палон.
PAP/аз