Абодва бакі абвінавачваюць адзін аднаго ў парушэнні далікатнага пагаднення аб спыненні агню і пагражаюць далейшай эскалацыяй.
Учора ўсё пачалося з атакі іранскага беспілотніка на камерцыйнае судна, якое праходзіла праз Армузскі праліў. Іранцы сцвярджаюць, што гэта адбылося без адабрэння з боку іх чыноўнікаў. У адказ ЗША атакавалі іранскія ваенныя аб'екты каля порта Сірык на поўдні краіны ўначы, і Іранская рэвалюцыйная варта абвясціла сёння раніцай, што адказала атакамі на амерыканскія ваенныя абʼекты ў рэгіёне, не ўдакладняючы канкрэтныя месцы.
Абодва бакі таксама пагражаюць далейшай эскалацыяй. Віцэ-прэзідэнт ЗША Дж. Д. Вэнс заявіў, што «на гвалт будзе адказана гвалтам», а Іранская рэвалюцыйная варта апублікавала заяву, у якой гаворыцца: «У выпадку паўторнай агрэсіі наш адказ будзе больш шырокім».
Чарговы раўнд перамоваў паміж перамоўнымі групамі дзвюх краін пры падтрымцы пасярэднікаў з Пакістана і Катара запланаваны на пачатак наступнага тыдня. Мемарандум аб узаемаразуменні, падпісаны паўтара тыдня таму, зʼяўляецца прэлюдыяй да больш падрабязных мірных перамоваў паміж ЗША і Іранам, на якія абодва бакі далі сабе 60 дзён.
ав