Купля трох шведскіх падводных лодак — найважнейшы кантракт такога кшталту ў гісторыі польскага флоту, заявіў міністр нацыянальнай абароны Уладзіслаў Касіняк-Камыш. Пагадненне было падпісана ў Гдыні на борце фрэгата ORP Kościuszko ў прысутнасці прэм'ер-міністраў Польшчы і Швецыі, а таксама міністраў абароны абедзвюх краін.
Уладзіслаў Касіняк-Камыш падкрэсліў на сумеснай прэс-канферэнцыі, што супрацоўніцтва са Швецыяй — гэта яшчэ адзін імпульс для развіцця польскай абароннай прамысловасці:
— Тры падводныя лодкі тыпу А26 новай генерацыі, самыя сучасныя, могуць патруляваць Балтыйскае мора. Яны могуць выкарыстоўваць свае здольнасці як для ваенна-марскога флоту, так і для спецыяльных войскаў. З яе борта можна кіраваць дронамі, якія могуць сачыць за інфраструктурай і бяспекай Балтыйскага мора. Гэта амаль нябачная падводная лодка. Яе можна параўнаць да F-35.
Міністр нацыянальнай абароны таксама паведаміў, што Польшча падпісала іншыя пагадненні са Швецыяй, у тым ліку аб арэндзе мадэрнізаванай версіі падводнай лодкі A17.
Падпісаны кантракт зʼяўляецца завяршэннем рашэння ўрада з мінулага года, калі Міністэрства нацыянальнай абароны абвясціла, што шведская кампанія «Saab» будзе ўдзельнічаць у праграме «Orka», якая прадугледжвае распрацоўку новых падводных лодак для польскіх марскіх сіл.
Кантракт дазволіць набыць сучасныя падводныя лодкі A26. Першая падводная лодка будзе пастаўлена ВМС у 2030 годзе.
ав