Еўрапейскі Саюз ухваліў рэкорднае пашырэнне санкцый супраць Расіі. Санкцыйны «чорны спіс», які ўключае амаль 3 000 запісаў, быў пашыраны на амаль 1 600 асоб і кампаній – прадстаўнікоў расійскага ваенна-прамысловага комплексу.
Рашэнне было прынятае міністрамі замежных спраў ЕС на сустрэчы ў Люксембургу.
Гэтыя санкцыі прызначаны для абмежавання магчымасцей Расіі атакаваць Украіну, пракаментаваў у Люксембургу намеснік міністра замежных спраў Польшчы Марцін Басацкі (Marcin Bosacki). Ён падкрэсліў, што спіс быў створаны пры значным удзеле Польшчы.
- Паводле нас, у моманце, калі Пуцін так бязлітасна наносіць урады, не толькі па крытычнай інфраструктуры, электрастанцыях, цепластанцыях, чыгуначных вакзалах, але таксама па грамадзянскім насельніцтве Украіны, гэта правільны адказ з боку Захаду і ЕС, – паясніў Марцін Басацкі.
Кампаніі, на якія распаўсюджваюцца санкцыі, паходзяць з 66 расійскіх рэгіёнаў, большасць з якіх знаходзяцца ў Маскве і Санкт-Пецярбургу. Мапа адлюстроўвае прамысловую базу Расіі, ад даследаванняў да вытворчасці.
Сярод іх, між іншым, канструктарскія бюро, навукова-даследчыя інстытуты і кампаніі хімічнай і металургічнай прамысловасці, а таксама вытворцы электронікі і вымяральных прыбораў; ёсць кампаніі, якія вырабляюць боепрыпасы і ракетныя сістэмы, прадстаўляюць авіяцыйную і касмічную галіны, будуюць падводныя лодкі. Ёсць таксама заводы па рамонце і абслугоўванні самалётаў, караблёў і браняванай тэхнікі.
IAR/аз