Турцыя пагадзілася з абарончым планам НАТА для Польшчы і балтыйскіх краінаў. Пра гэта паведаміў прэзідэнт Літвы, які ўдзельнічаў у саміце альянсу ў Лондане.
Раней Турцыя заявіла, што не падпіша стратэгіі для Усходняй Еўропы, калі саюзнікі па НАТА не прызнаюць сірыйскіх курдаў тэрарыстамі.
Вета прэзідэнта Рэджэпа Таіпа Эрдагана наогул выключала б магчымасць прыняцця дакументу. Пакуль невядома, пры якіх умовах быў дасягнуты кампраміс.
Вядома толькі, што падчас саміту адбылася сустрэча прэзідэнтаў Польшчы, Літвы і Латвіі з прэзідэнтам Турцыі.
аз