Улады Літвы ўзгадняюць дакумент, які дазволіць выдаваць спецыяльныя візы ў пасольстве краіны ў Мінску, тэрмін іх дзеяння складзе да шасці месяцаў, паведамляюць naviny.by.
Як паведаміў кіраўнік Дэпартамента міграцыі Эвеліна Гудзінскайтэ, асноўныя моманты новаўвядзення знаходзяцца ў стадыі абмеркавання МУС і МЗС.
«На працягу некалькіх дзён усё павінна праясніцца, – сказала чыноўніца. – Гэта было б спрашчэнне парадку, паколькі ўжываліся б мінімальныя патрабаванні, але гэта дапамагло б беларусам, якія хочуць з'ехаць у Літву, але не хочуць прасіць палітычнага прытулку, атрымаць дакумент у самыя кароткія тэрміны».
Паводле яе слоў, піша DELFI, тэрмін у шэсць месяцаў быў абраны з улікам «далейшых сацыяльных наступстваў». «Людзі павінны знайсці нейкую крыніцу для пражывання ў краіне. Рэальна на працягу паўгода яны павінны знайсці іншы спосаб легальна застацца ў Літве, то бок звярнуцца за нацыянальнай візай ці відам на жыхарства», – падкрэсліла Гудзінскайтэ.
ав