Украіна не атрымлівала ад Беларусі інфармацыі аб закрыцці мяжы. Пра гэта паведамляе ўкраінскае Міністэрства замежных спраў. Раней кіраўнік Беларусі Аляксандр Лукашэнка заявіў, што закрывае межы са сваім паўднёвым суседам у адказ на нібыта незаконныя пастаўкі зброі з Украіны.
Прэс-сакратар ведамства ўкраінскай дыпламатыі Алег Нікаленка адзначыў, што афіцыйная інфармацыя аб закрыцці мяжы ва Украіну з Беларусі не паступала. У той жа час ён падкрэсліў, што абвінавачванні Лукашэнкі ў пастаўках зброі ў Беларусь абсурдныя. Як ён дадаў, называнне Украіны знешняй пагрозай – гэта частка палітыкі дэзынфармацыі, рэпрэсіі і запалохвання беларускага грамадства.
Аляксандр Лукшэнка неаднаразова абвінавачваў Украіну – як і іншыя суседнія краіны, у тым ліку, Польшчу і Літву – у варожых дзеяннях. Нагадваем,пасля фальсіфікацыі прэзідэнцкіх выбараў і рэпрэсій супраць беларускага грамадства ўкраінскія ўлады не прызналі ўлады Аляксандра Лукашэнкі.
аз