Сёлета гэтае мерапрыемства праходзіць у рамках аднаго з найбуйнейшых у краінах Балтыі кінафестываляў пад назвай Scanorama. Партнёрам мерапрыемства з'яўляецца Польскі інстытут у Літве. Яго дырэктар Малгажата Стэфановіч-Пецэля звяртае ўвагу на тое, што рашэнне прадставіць польскае кіно ў рамках вялікага мерапрыемства апраўдала сябе:
-Перш за ўсё, гэта павялічвае нашу даступнасць. Польскае кіно выдатна знаёма жыхарам Літвы, яны яго любяць, шануюць. У яго ёсць свае прыхільнікі. Аднак мы не стараемся пераканаць тых, хто ўжо і так падзяляе наш пункт гледжання. Мы хочам пашырыць кола зацікаўленых асоб, тых, хто любіць польскае кіно.
У літоўскай сталіцы быў паказаны польскі кандыдат на прэмію «Оскар» – стужка Яна Матушыньскага «Каб не заставалася слядоў». Усяго літоўскія гледачы ўбачаць 10 польскіх фільмаў.
Арганізатары фестывалю Scanorama лічаць, што сёлета сярод усіх еўрапейскіх краінаў Польшча прадстаўлена найлепей.
iar/эж