Сёння ў Бруселі сустракаюцца міністры замежных спраў краін Еўрасаюза. Палітыкі прымуць новыя крытэрыі, якія дазволяць пашырыць санкцыі супраць беларускага рэжыму за выкарыстанне мігрантаў у гібрыдных дзеяннях на мяжы ЕС.
Аб тым, хто будзе ўнесены ў «чорны спіс», краіны-членны супольнасці вырашаць пазней. Гаворка ідзе пра каля 30 чалавек і кампаній, у тым ліку авіякампаніі і турыстычныя агенцтвы, якія арганізуюць працэдуру перавозкі мігрантаў у Еўропу.
«Важна, каб рэжым Лукашэнкі зразумеў, што яму прыйдзецца плаціць за свае паводзіны» – заявіла нядаўна ў Вашынгтоне кіраўнічка Еўракамісіі Урсула фон дэр Ляен. Гэта будзе пяты санкцыйны пакет, а пасля яго прыняцця пачнецца распрацоўка чарговага.
Нагадваем, пагроза санкцый прычынілася да таго, што турэцкія авіялініі ўжо спынілі прадаваць білеты мігрантам і арганізоўваў рэйсы ў Мінск разам з беларускім перавозчыкам «Белавія». Увечары да міністраў замежных спраў Еўрасаюза далучaцца міністры абароны краінаў-членаў.
Апрача таго да паседжання, прысвечанага Беларусі, Польшча арганізоўвае сустрэчу кіраўнікоў дыпламатыі членскіх краінаў з міністрам замежных спраў Украіны. Сярод тэм – адносіны Еўрасаюза з Украінай і сітуацыя на вонкавай мяжы супольнасці.
IAR /аз