На наступным тыдні Еўракамісія павінна прадставіць прапановы аб далейшых санкцыях супраць Расіі за агрэсію супраць Украіны. Шосты пакет абмежаванняў павінен уключаць між іншым эмбарга на імпарт нафты, але, як кажуць чыноўнікі і дыпламаты ЕС, гэта не будзе азначаць поўнага і неадкладнага прыпынення паставак нафты з Расіі.
Еўракамісія працуе над новымі санкцыямі супраць Расіі. Польшча разам з краінамі Балтыі і Скандынавіі настойвае на тым, каб праца ішла хутчэй і каб новы пакет уключаў эмбарга на імпарт нафты і газу. Пакуль няма шанцаў прыпыніць пастаўкі блакітнага паліва, але магчымыя рашэнні адносна нафты, пра што ўчора ў Вашынгтоне заявіў віцэ-старшыня Еўракамісіі Валдзіс Дамброўскіс. «Мы абмяркоўваем санкцыі, якія ў той ці іншай форме будуць уключаць нейкае эмбарга на імпарт нафты», — сказаў намеснік кіраўніка Камісіі.
Германія пры падтрымцы Венгрыі і Аўстрыі выступае супраць неадкладнага эмбарга на імпарт нафты. Кажуць, што для таго, каб заручыцца падтрымкай гэтых краін, эмбарга будзе ўводзіцца паступова.
IAR PR/нг