Сёння краіны Балтыі святкуюць 33-ю гадавіну Балтыйскага ланцуга. Нагадваем, у 50-ю гадавіну заключэння Дагавора аб ненападзе, якую ў 1939 годзе ў Маскве падпісалі Молатаў і Рыбентрап, літоўцы, латышы і эстонцы ўзяліся за рукі, ствараючы ланцуг. Такім чынам яны сімвалічна злучылі Вільню, Рыгу і Талін.
Гісторык Віленскага ўніверсітэта Тамаш Бажэроцкі кажа, што 33 гады таму народы трох балтыйскіх краінаў ясна заявілі, што яны не пагаджаюцца на акупацыю Савецкім Саюзам:
- 50 гадоў пазней (пасля заключэння Дагавора аб ненападзе – рэд.) адбылася акцыя пратэсту, супраць гэтага незаконнага дзеяння. Мы паказалі, што мы супраць таго і мы хочам, каб свет ведаў, што мы не пагаджаемся быць часткай Савецкага Саюза.
Мяркуецца, што ў «Балтыйскім ланцугу» прынялі ўдзел больш за два мільёны чалавек. Сёння ўвечары на Ратушнай плошчы ў Вільні пройдуць юбілейныя ўрачыстасці з нагоды 33-й гадавіны гэтай падзеі. У іх возьме ўдзел прэзідэнт Літвы Гітанас Наўседа.
IAR /аз