Амбасадар Польшчы ў Беларусі Артур Міхальскі павіншаваў беларусаў і палякаў, вернікаў заходняга абраду, з Вялікаднем. Дыпламат падкрэсліў, што свята Уваскрасення Хрыстова абуджае веру і напаўняе надзеяй у гэты цяжкі час. Звяртаючыся да беларусаў, ён падкрэсліў, што Польшча заўсёды будзе на іх баку:
-Мы ведаем, як вам цяжка. Тысячы беларусаў сядзяць у турмах, сотні тысяч выйшлі. Беларускія ўлады нагнятаюць атмасферу запалохвання, знішчаюць мову і культуру, падтрымліваюць агрэсію Расіі супраць Украіны. Распаўсюджваюць ілжывую прапаганду і ствараюць негатыўны вобраз вашых еўрапейскіх суседзяў, асабліва Польшчы. Але вы ведаеце, як гэта на самай справе. Мы вашы паплечнікі, мы з вамі салідарныя. Мы даем прытулак тым, хто быў вымушаны ўцячы. Мы змагаемся за вызваленне кожнага палітвязня.
Амбасадар Польшчы ў Беларусі Артур Міхальскі таксама звярнуўся да палякаў, якія жывуць у Беларусі:
-Вы пакутуеце, як і ўсе грамадзяне Беларусі. Вы пакутуеце як палякі. Але велікодныя святы нагадваюць нам, што статус-кво – гэта не хлусня, а праўда. Не за няволю, а за волю!
Артур Міхальскі таксама пажадаў жыхарам Беларусі, каб Вялікдзень стаў часам унутранай сілы, а радасць гэтага свята давала сілы пераадольваць цяжкасці. «Каб адкрыць вочы ўсім сляпым і наблізіць дзень, калі прыйдзе свабода», – дадаў дыпламат.
iar/эж