Брусель заклікаў да рашучых дзеянняў у гэтым пытанні. Зварот быў адрасаваны буйным інтэрнэт-кампаніям, уключаючы меншыя або спецыялізаваныя платформы, індустрыю інтэрнэт-рэкламы і пастаўшчыкоў рэкламных тэхналогій. 44 ключавыя кампаніі, такія як Google, TikTok і Microsoft, падпісалі агульнаеўрапейскі кодэкс паводзінаў і ўзялі на сябе абавязак змагацца з дэзынфармацыяй. Twitter пакінуў гэты альянс у траўні.
Прыкладаў нарастаючай дэзынфармацыі Крамля ў ЕС становіцца ўсё больш, падкрэсліла віцэ-прэзідэнт Еўракамісіі Вера Юрава, прадстаўляючы дэталі дакладу.
«Расія атручвае інфармацыйную прастору паўпраўдай і хлуснёй. Гэта шматмільённая зброя масавай маніпуляцыі», – сказала Вера Юрава.
Яна заклікала ўсіх актывізаваць намаганні ў барацьбе з расейскай дэзынфармацыяй, асабліва ў сувязі з вайной Расіі ва Украіне і выбарамі ў Еўрапарламент у наступным годзе. «Крэмль выкарыстоўвае бомбы, каб ваяваць ва Украіне, але ён ваюе і словам, каб дастаць да Еўрасаюза», – дадаў намеснік кіраўніка камісіі.
Вера Юрава згадала платформу Маска, якая не прыкладае намаганняў для барацьбы з расійскай дэзынфармацыяй. Яна таксама прывяла прыклады паспяховых дзеянняў, у тым ліку заяву Google аб тым, што са студзеня па красавік YouTube закрыў больш за 400 каналаў, якія распаўсюджвалі дэзынфармацыю, былі спансаваныя расійскім Агенцтвам інтэрнэт-даследаванняў, то бок фабрыкай троляў.
IAR/Beata Płomecka/вх