На аднаго з найбольш вядомых дзеячаў сепаратысцкага руху Данбаса Алега Царова напалі каля ягонага дома ў Ялце, паведамляюць расійскія тэлеграм-каналы і СМІ.
Цароў - былы ўкраінскі дэпутат ад Партыі рэгіёнаў, блізкі да Віктара Януковічу. Ва Украіне ён завочна асуджаны на 12 гадоў зняволення за замах на тэрытарыяльную цэласнасць краіны і спробы гвалтоўнага звяржэння канстытуцыйнага ладу.
Аб замаху на Царова ў прыватнасці паведаміў прадстаўнік расійскай акупацыйнай адміністрацыі Запарожскай вобласці Уладзімір Рогаў. Ён напісаў у сваім тэлеграм-канале, што ў Царова стралялі каля ягонага дома ў анексаваным Крыме.
У каналах іншых расійскіх вайсковых блогераў з'яўляліся паведамленні, што Царова маглі параніць нажом.
Афіцыйнай інфармацыі аб замаху на Царова пакуль няма. «Коммерсант», спасылаючыся на крыніцу ў праваахоўных органах, піша, што цяпер ён знаходзіцца ў шпіталі.
Крыніца: BBC News | Русская служба