Увечары па польскім часе ў Вашынгтоне пачынаецца саміт Паўночнаатлантычнага альянсу, які працягнецца да чацвярга. Сустрэча павінна стаць дэманстрацыяй сілы і адзінства альянсу, асабліва ў той час, калі Расія працягвае вайну супраць Украіны.
Падчас саміту хаўруснікі ў чарговы раз падкрэсляць значэнне і актуальнасць артыкула 5 аб калектыўнай абароне. Яны таксама запэўняць Кіеў у далейшай ваеннай падтрымцы, паведаміў Генеральны сакратар НАТА Енс Столтэнберг:
- Я чакаю, што хаўруснікі пацвердзяць сваю рашучасць падтрымаць Украіну шляхам стварэння сіл, здольных перамагчы расійскую агрэсію сёння і стрымаць яе ў будучыні. З моманту поўнамаштабнай расійскай атакі хаўруснікі па НАТА штогод прадастаўлялі ва Украіну каля 40 мільярдаў еўра ваеннай дапамогі. Было вызначана, што гэта мінімальная падтрымка. І я чакаю, што краіны-члены прымуць рашэнне на саміце захаваць гэты ўзровень падтрымкі ў наступным годзе.
Сустрэча лідараў 32 краін пачнецца са святкавання 75-годдзя НАТА.
Лідары Паўночнаатлантычнага альянсу таксама будуць гаварыць на саміце аб нарошчванні вытворчасці ўзбраенняў і пашырэнні прамысловага патэнцыялу альянсу.
IAR/аз