Супрацьракетная база і цэнтр падрыхтоўкі НАТА-Украіна – гэта асноўныя рашэнні вашынгтонскага саміту адносна Польшчы

Цэнтр аналізу, падрыхтоўкі і адукацыі НАТА-Украіна ў Быдгашчы будзе адказваць за збор вопыту з поля бою і падтрымку ўкраінскіх вайскоўцаў.

Генеральны сакратар НАТА Енс Столтэнберг

PAP/EPA/MICHAEL REYNOLDS

Супрацьракетная база ў Рэдзікове (Redzikowo) ў Паморскім ваяводстве будзе ўключана ў структуры НАТА. Акрамя таго, у рамках альянсу ў Быдгашчы ў Куяўска-Паморскім ваяводстве будзе дзейнічаць Цэнтр аналізу, падрыхтоўкі і адукацыі НАТА-Украіна. Гэткія рашэнні адносна Польшчы былі прынятыя на вашынгтонскім саміце лідараў Паўночнаатлантычнага пакту, паведаміў генеральны сакратар альянсу Енс Столтэнберг:

- Хаўруснікі пагадзіліся ўзмацніць нашу супрацьпаветраную і супрацьракетную абарону, у тым ліку новай сістэмай супрацьракетнай абароны Aegis Ashore у Польшчы.

Нагадваем, цэнтр НАТА ў Быдгашчы будзе адказваць, у тым ліку, за збор вопыту з поля бою і падтрымку ўкраінскіх вайскоўцаў.

У сваю чаргу ў нямецкім Вісбадэне будзе створанае камандаванне НАТА, якое будзе займацца навучаннем і аснашчэннем украінскіх вайскоўцаў.

На саміце ў Вашынгтоне альянс таксама вырашыў узяць на сябе ад ЗША каардынацыю ўзбраення Украіны. Кіеў таксама атрымаў дэкларацыю аб ваеннай падтрымцы ў доўгатэрміновай перспектыве на суму не менш за 40 мільярдаў еўра ў наступным годзе.

IAR/аз