СПА Украіны збіла 15 расійскіх беспілотнікаў (ВІДЭА)

За ўчорашні дзень расійскія войскі здзейснілі 76 абстрэлаў памежных раёнаў і населеных пунктаў Сумскай вобласці.

Горад Сумы пасля расійскай атакі

скрыншот/facebook.com/Ukrinform

Украінская СПА адбіла начную атаку расійскіх беспілотнікаў. У штабе ў Кіеве паведамілі, што з 23 машын былі збітыя 15. Таксама была знішчана адна расійская ракета.

У сваю чаргу ў выніку расійскага нападу на ўкраінскі горад Сумы два чалавекі загінулі і чатыры чалавекі, у тым ліку двое дзяцей, былі параненыя. Акрамя таго, пашкоджаныя дамы і аўтамабілі.

Мясцовыя ўлады паведамляюць, што службы працуюць над ліквідацыяй наступстваў нападу. Пацярпелым аказваецца неабходная медыцынская дапамога.

За ўчорашні дзень расійскія войскі здзейснілі 76 абстрэлаў памежных раёнаў і населеных пунктаў Сумскай вобласці. Усяго зафіксавана 140 выбухаў.

Пяць чалавек загінулі ў выніку расійскага абстрэлу ў Данецкай вобласці Украіны. Па словах губернатара вобласці Вадзіма Філашкіна, у Канстанцінаўцы загінулі тры чалавекі, чацвёра атрымалі раненні. Два чалавекі загінулі каля горада Тарэцк.

Пры нападзе на Канстанцінаўку пацярпелі шматпавярховы дом, адміністрацыйны будынак і крама.

У жніўні ўкраінскія ўлады абвясцілі аб прымусовай эвакуацыі сем'яў з дзецьмі з горада з-за небяспекі, якую ўяўляе наступленне Расіі на бліжэйшым фронце.

IAR/аз