Тайваньская кампанія Gold Apollo абвергла інфармацыю пра тое, што гэта яна вырабляла пэйджары для членаў тэрарыстычнай арганізацыі «Хезбала». Учора некалькі сотняў гэтых прылад выбухнулі адначасова. У выніку прынамсі дзевяць чалавек загінулі і 2 750 атрымалі раненні, паведамілі прадстаўнікі арганізацыі, дадаўшы, што 200 чалавек знаходзяцца ў крытычным стане.
Кампанія Apollo Gold абвясціла, што кампанія BAC Consulting KFT, якая базуецца ў Будапешце, мае права выкарыстоўваць ейную назву, і гэта яна выпусціла мадэль пэйджараў, якія выкарыстоўваліся арганізацыяй «Хезбала».
«Мадэль AR-924 вырабляецца і прадаецца кампаніяй BAC», - гаворыцца ў заяве Gold Apollo.
Ліванскае дзяржаўнае інфармацыйнае агенцтва паведаміла, што выбухі пэйджараў адбыліся ў той жа час у паўднёвым прыгарадзе Бейрута і ў некалькіх іншых месцах. Афіцыйны прадстаўнік баевікоў сказаў агенцтвы Reuters, што гэта «найбольшая небяспека» з моманту эскалацыі баявых дзеянняў з Ізраілем адзінаццаць месяцаў таму.
IAR/аз