Чацвёра амерыканскіх вайскоўцаў, якія прапалі ў Літве пасля вучэнняў, верагодна, загінулі. Пра гэта пішуць літоўскія інтэрнэт-парталы Delfi і LRT. Аднак афіцыйнага пацвярджэння гэтай інфармацыі пакуль няма.
Літоўскае войска абвясціла сёння, што амерыканцы зніклі без вестак пасля вучэнняў на палігоне ў Падброддзі на ўсходзе краіны.
Пра здарэнне стала вядома ўчора ўдзень. Месца інцыдэнту было выяўлена і неадкладна пачалася пошукава-выратавальная аперацыя з удзелам вайскоўцаў амерыканскай і літоўскай арміяў і памежнікаў.
Інфармацыю аб знікненні амерыканцаў таксама пацвердзіла камандаванне амерыканскіх узброеных сіл.
IAR/аз