Канстытуцыйны суд Паўднёвай Карэі падтрымаў рашэнне парламента аб імпічменце прэзідэнта Джун Сук Чол. Былога прэзідэнта прызналі вінаватым у злоўжыванні ўладай і неабгрунтаваным увядзенні ў краіне ваеннага становішча.
Рашэнне Канстытуцыйнага суда ўступае ў сілу з моманту абвяшчэння. Джун Сук Джол фармальна перастаў быць прэзідэнтам Паўднёвай Карэі.
На правядзенне прэзідэнцкіх выбараў ва ўладаў ёсць 60 дзён. У гэты час абавязкі прэзідэнта будзе выконваць прэм'ер-міністр Хан Дак Су.
Падчас абвяшчэння прысуду перад трыбуналам сабраліся праціўнікі і прыхільнікі зыходзячага прэзідэнта. Адбыліся сутычкі з паліцыяй. Як мінімум адзін чалавек быў арыштаваны.
Увядзенне Джун Сук Чжолам ваеннага становішча ў пачатку снежня мінулага года ініцыявала адзін з найбуйнейшых палітычных крызісаў у Паўднёвай Карэі. За апошнія месяцы пасаду прэзідэнта займалі тры палітыкі.
Нестабільная сітуацыя таксама падарвала давер да ўладаў у Сеуле.
ПР/юл