“Не кожнае захворванне можна вызначыць на падставе генаў, але іх усё больш. Першая група - хваробы, з якімі мы нарадзіліся. Другая група - тыя, рызыка якіх запісанае ў нашых генах: мы нараджаемся здаровымі, але ў нас ёсць генетычныя пашкоджанні, якія павялічваюць рызыку захворвання. Тут прыкладам з’яўляюцца неўралагічныя захворванні, напрыклад, хвароба Паркінсона, хвароба Альцгеймера, хваробы серца, рак”, - кажа доктар медыцынскіх навук Анна Вуйціцка (Anna Wójcicka) у размове з журналістам выдання Rzeczpospolita Лукашам Каханоўскім.
Паводле доктар Анны Вуйціцкай, дзякуючы генетычным тэстам, мы можам падрыхтавацца да гэтых хваробаў або іх пазбегнуць.
“Не заўсёды пазітыўны вынік генетычных тэстаў азначае, што мы на 100% захварэем нейкай хваробай. Аднак, праўдападабенства вялікае. Таму варта, напрыклад, памяняць лад жыцця. У выпадку , калі ў нашых генах запісаныя хваробы і рак, то рызыка захворвання складае нават 50-90%”, - кажа навуковец.
Яна нагадвае, што нашыя гены прычыняюцца да таго, што кожны з нас па-рознаму рэагуе на пэўныя хімічныя рэчывы.
“Простыя генетычныя тэсты могуць падказаць, якім чынам прымаць лек, каб ён нам не пашкодзіў. Гэта тычыцца шматлікіх медыкаментаў, у тым ліку тых, якія выкарыстоўваюцца ў кардыялогіі, неўралогіі і псіхіятрыі”, - кажа доктар Анна Вуйціцка. Яна звяртае ўвагу, што генетычныя тэсты асабліва важныя ў выпадку пацыентаў з анкалагічнымі захворваннямі, паведамляе Rzeczpospolita.
аз