X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Чэшскую Прагу і беларускі Брэст спалучаць чатыры цягнікі ў дзень

14.01.2020 17:08
На польскай чыгунцы ў галіне пасажырскіх перавозак неўзабаве з’явіцца сапраўдная канкурэнцыя.
      Leo Express
Пасажырскі цягнік чэшскай прыватнай чыгуначнай кампаніі Leo Express фота: Leo Express

На польскай чыгунцы ў галіне пасажырскіх перавозак неўзабаве з’явіцца сапраўдная канкурэнцыя, паведамляе газета Rzeczpospolita. Актуальна манапалістам у сектары міжгародніх і міжнародных перавозак з’яўляецца польская дзяржаўная кампанія PKP InterCity. Пра планы ўвайсці на польскі рынак заявілі чэшскія пасажырскія чыгуначныя кампаніі Leo Express і RegioJet, якія дасягнулі поспеху ў сябе на радзіме. Старшыня праўлення і ўладальнік RegioJet Радзім Янчура заявіў, што паездка з Варшавы ў Катавіцы альбо Кракаў каштавала б ад некалькіх да 20 еўра. Гэта стала б рэвалюцыяй на польскім рынку чыгуначных перавозак, таму што кампанія PKP InterCity на гэтых трасах прадае білеты па мінімум 30 еўра ў пераліку са злотых.

У польскіх цягніках – два класы абслугоўвання, у Leo Express – тры, а ў RegioJet – ажно чатыры. Такім чынам, цэнавая прапанова чэшскіх кампаній даволі гнуткая, і кожны пасажыр зможа выбраць адпаведную для сябе прапанову па кошце.

Дарэчы, Leo Express ужо прысутнічае на польскім рынку: са снежня 2019 года цягнікі перавозчыка возяць пасажыраў на трасе Прага – Уроцлаў. Вагоны запоўненыя добра, нягледзячы на тое, што кампанія атрымала дазвол ад польскіх транспартных улад на рэалізацыю рэйсаў толькі ў выходныя дні. Папулярнасцю сярод пасажыраў карыстаецца таксама маршрут Прага – Кракаў.

Нядаўна Leo Express атрымаў ад Упраўлення чыгуначнага транспарта Польшчы дазвол на адкрыццё маршрута Прага – Катавіцы – Варшава – Тэрэспаль. Ліцэнзія выдадзеная на пяць гадоў і дазваляе курсіраваць на згаданым маршруце двум парам цягнікоў у дзень (агулам чатыры цягнікі). Адкрыццё згаданай трасы дазволіць за адносна невялікі кошт падарожнічаць з Прагі ў Мінск з перасадкай у Тэрэспалі і Брэсце. Калі чэхі адкрыюць новае спалучэнне, пакуль невядома, таму што кампаніі не хапае цягнікоў. Фірма заказала чыгуначныя склады ў вытворцаў і цяпер чакае паставак.

У сваю чаргу RegioJet плануе адкрыць новыя маршруты з Прагі ва Украіну праз тэрыторыю Польшчы, паведамляе Rzeczpospolita.

вс